Բարի՛ գալուստ «ՏՈւԿ-ՏՈւԿ»-ի աշխարհ։

«ՏՈւԿ-ՏՈւԿ»-ն իր առջև խնդիր է դրել զարմացնել մարդկանց անակնկալ նվերներով։

«ՏՈւԿ-ՏՈւԿ» անակնկալն իրենից ներկայացնում է նվերների յուրօրինակ և բազմազան տեսականի, որոնք տեղավորված են «ՏՈւԿ-ՏՈւԿ» ֆիրմային տուփերի մեջ։ Նվերի ընտրությունը կատարվում է ըստ տարիքային խմբի և սեռի, ինչը նշված է տուփի վրա, ինչպես նաև հնարավորինս հաշվի է առնվում նվերի նպատակը (թե ինչ առիթով և ում համար է նախատեսված նվերը)։ Այսպիսով տուփի պարունակությունը անակնկալ է թե՛ նվիրողի, թե՛ նվերը ստացողի համար։

Այստեղ Դուք պատվիրում եք «ՏՈւԿ-ՏՈւԿ» անակնկալ, որի արժեքը ֆիքսված է և կազմում է 25,000 ՀՀ դրամ անկախ նվերի տեսակից և բնույթից։ Զարմանալի է, սակայն «ՏՈւԿ-ՏՈւԿ» անակնկալի պարունակության իրական արժեքը կարող է գերազանցել 25,000 դրամը, որն արդեն կրկնապատկում է հետաքրքրությունը և «ՏՈւԿ-ՏՈւԿ» անակնկալ նվերների յուրօրինակությունը։

Օգտվելով «ՏՈւԿ-ՏՈւԿ» անակնկալ նվերներից Դուք միաժամանակ վայելում եք և՛ անակնկալի զվարճությունն ու բերկրանքը, և՛ նվիրում եք Ձեր սիրելիին կամ հարազատին մի իր, որը կարող է լինել պիտանի, շատ սիրելի, անգամ զավեշտալի։ Մի բան հստակ է՝ «ՏՈւԿ-ՏՈւԿ» անակնկալը Ձեր և Ձեր մտերիմների համար կլինի անսպասելի և անկանխատեսելի։

Ձեր նվերը չի կարող լինել ցանկացած ապրանք, առարկա կամ ծառայություն, որի տարածումը կամ ազատ վաճառքը արգելվում է ՀՀ օրենսդրությամբ։

Ներկա պահին «ՏՈւԿ-ՏՈւԿ»-ը հասանելի է միայն Երևան քաղաքի տարածքում։

«ՏՈւԿ-ՏՈւԿ»
Սպասե՛ք նոր անակնկալների